Пра гэта піша «Крымская солидарность».
Усе асуджаныя праходзяць па справе «Хізб ут-Тахрыр», у рамках якой у анэксаваным Расеяй Крыме з 2014 году арыштавана больш за 70 чалавек.
«Хізб ут-Тахрыр» — арганізацыя, прызнаная ў Расеі тэрарыстычнай. У адрозьненьне ад большай часткі эўрапейскіх краін, у тым ліку Ўкраіны, у РФ яе дзейнасьць забароненая.
Паводле зьвестак праекту Крым.Рэалии, супрацоўнікі ФСБ, МУС Расеі і «Росгвардии» 27 сакавіка 2019 году правялі ў Крыме ператрусы ў дамах крымскататарскіх актывістаў, у тым ліку прадстаўнікоў грамадзкага аб’яднаньня «Крымская солидарность». Агулам сілавікі затрымалі 24 чалавек. Прадстаўнік АБСЭ па свабодзе СМІ Арлем Дэзір асудзіў арышт актывістаў і заклікаў неадкладна вызваліць іх зь СІЗА.
Адзін зь фігурантаў справы, Айвазаў, расказваў, што супрацоўнікі ФСБ катавалі яго пасьля затрыманьня: актывісту стралялі каля галавы, імітуючы расстрэл.
Праваабарончы цэнтар «Мэмарыял» лічыць іх перасьлед палітычна матываваным: у 2014 годзе крымскія татары выступалі супраць далучэньня да Расеі.
