Пэнсійнае забесьпячэньне чыноўнікаў у вышэйшых уладных структурах камэнтаваць адмаўляюцца. Аднак супрацоўнікі службы сацыяльнага забесьпячэньня пацьвярджаюць: дабрабыт гэтай катэгорыі пэнсіянэраў будзе гарантаваць новы закон. Гаворыць намесьніца кіраўніка управы сацзабесьпячэньня Цэнтральнага раёну Менску Тамара Дорахава.
(Дорахава: ) “Увогуле, ходзіць некалькі праектаў гэтага новага закону. У выніку, які зь іх прыме Нацыянальны сход, мы ня ведаем. Ніводнага праекту афіцыйнага ў нас няма. Адзінае, што ўчора сказана, што хутчэй за ўсё гэта будзе разгледжана ў студзені”.
Паводле неафіцыйных крыніцаў, падвышаныя пэнсіі будуць атрымоўваць чыноўнікі на ўзроўні міністраў, іх намесьнікаў, парлямэнтараў, амбасадараў і некаторых іншых. Што думаюць пра ідэю такога клопату пра чыноўнікаў шарагоўцы?
(Спадарыня: ) “Нашыя чыноўнікі думаюць пра сябе, як ім лепш пражыць. А пэнсіянэры, яны, можна сказаць, скарынку грызуць”.
(Спадарыня: ) “І дзе яны толькі грошы бяруць, каб ім плаціць”.
(Спадарыня: ) “Усё залежыць ад таго, які ўнёсак чалавек зрабіў на карысьць дзяржавы. Я прапрацавала 30 гадоў у ворганах. У мяне пэнсія, натуральна, большая”.
(Спадарыня: ) “Дык няхай бы падзялілі ўсім бедным людзям, але яны нас ня бачаць. Яны ідуць наеўшыся, напіўшыся і тварыкі блішчаць, і пузы трашчаць. А ў беднага народа кішкі іграюць марш – нам на ежу не хапае. А Лукашэнка толькі шмат языком меле”.
У савецкі час асобную і высокааплатную катэгорыю пэнсіянэраў складалі толькі першыя асобы краіны. Пасьля прыходу да ўлады, Аляксандр Лукашэнка пакінуў такія пэнсіі, да прыкладу, спадарам Дземянцею, і Сьлюнькову, але ня даў спадару Шушкевічу і Грыбу, кажа былы міністар працы Аляксандр Сасноў.
(Сасноў: ) “А вось зараз, я бачу, такую сыстэму плянуюць распаўсюдзіць на больш дробныя службовыя пасады. Да прыкладу, на дэпутатаў, сэнатараў і гэтак далей. І гэта робіцца не для тых, хто ўжо стары і на пэнсіі, а хто яшчэ працуе. Каб ён ведаў, што яго ня кінуць, што ён будзе добра забясьпечаны, калі будзе стары. І гэта робіцца для таго, каб з асяродка самога Лукашэнкі не было ніякіх замахаў на ягоную ўладу”.
(Дорахава: ) “Увогуле, ходзіць некалькі праектаў гэтага новага закону. У выніку, які зь іх прыме Нацыянальны сход, мы ня ведаем. Ніводнага праекту афіцыйнага ў нас няма. Адзінае, што ўчора сказана, што хутчэй за ўсё гэта будзе разгледжана ў студзені”.
Паводле неафіцыйных крыніцаў, падвышаныя пэнсіі будуць атрымоўваць чыноўнікі на ўзроўні міністраў, іх намесьнікаў, парлямэнтараў, амбасадараў і некаторых іншых. Што думаюць пра ідэю такога клопату пра чыноўнікаў шарагоўцы?
(Спадарыня: ) “Нашыя чыноўнікі думаюць пра сябе, як ім лепш пражыць. А пэнсіянэры, яны, можна сказаць, скарынку грызуць”.
(Спадарыня: ) “І дзе яны толькі грошы бяруць, каб ім плаціць”.
(Спадарыня: ) “Усё залежыць ад таго, які ўнёсак чалавек зрабіў на карысьць дзяржавы. Я прапрацавала 30 гадоў у ворганах. У мяне пэнсія, натуральна, большая”.
(Спадарыня: ) “Дык няхай бы падзялілі ўсім бедным людзям, але яны нас ня бачаць. Яны ідуць наеўшыся, напіўшыся і тварыкі блішчаць, і пузы трашчаць. А ў беднага народа кішкі іграюць марш – нам на ежу не хапае. А Лукашэнка толькі шмат языком меле”.
У савецкі час асобную і высокааплатную катэгорыю пэнсіянэраў складалі толькі першыя асобы краіны. Пасьля прыходу да ўлады, Аляксандр Лукашэнка пакінуў такія пэнсіі, да прыкладу, спадарам Дземянцею, і Сьлюнькову, але ня даў спадару Шушкевічу і Грыбу, кажа былы міністар працы Аляксандр Сасноў.
(Сасноў: ) “А вось зараз, я бачу, такую сыстэму плянуюць распаўсюдзіць на больш дробныя службовыя пасады. Да прыкладу, на дэпутатаў, сэнатараў і гэтак далей. І гэта робіцца не для тых, хто ўжо стары і на пэнсіі, а хто яшчэ працуе. Каб ён ведаў, што яго ня кінуць, што ён будзе добра забясьпечаны, калі будзе стары. І гэта робіцца для таго, каб з асяродка самога Лукашэнкі не было ніякіх замахаў на ягоную ўладу”.
