Аляксандар Жук і Іна Абмётка трапілі 25 сакавіка ў камэры апэратараў падчас канцэрту каля Опэрнага тэатру. «У момант, калі пацалаваліся: пацалаваліся і пацалаваліся, ну сфоткалі і сфоткалі», — Аляксандар кажа, што яны нават не ўяўлялі, наколькі папулярным стане іх фатаздымак. Ужо потым ім сталі званіць і расказваць сябры, што пабачылі іх у розных пабліках у сацыяльных сетках.
У Instagram Радыё Свабоды літаральна за адзін дзень фатаздымак набраў больш за 7 тысяч лайкаў, і пара атрымала падарунак ад Радыё Свабода.
