У нядзелю ў Італіі - краіне, якая пасьля Брэксыту стане трэцяй па велічыні эканомікай Эўропы, - пройдуць парлямэнцкія выбары, і хто пераможа на іх, зусім незразумела.
Праблемы, якія стаяць перад краінай, за апошнія гады зьмяніліся ня моцна: велізарны дзяржаўны доўг, стагнацыя эканомікі, нестабільныя банкі, высокае беспрацоўе, асабліва сярод моладзі, і ўзьлёт палітычнага папулізму, які стаў яшчэ больш прыкметнымі пасьля міграцыйнага крызысу 2015 года.
Ад таго, хто пераможа на выбарах, залежыць ня толькі бліжэйшая будучыня краіны, але і палітыка Эўразьвязу: усе ўдзельнікі выбараў патрабуюць паслабленьняў жорсткіх фінансавых правілаў, распрацаваных ЭЗ для Італіі пасьля пазыковага крызысу, які пачаўся ў 2011 годзе.
