Удары па Ўкраіне нанесьлі з боку расейскіх гарадоў Бранску, Курску, Арла і Мілерава, паведамілі ў Паветраных сілах Узброеных сіл Украіны.
«На 08:00 пацьверджана, што на ўсходзе, поўначы, захадзе і ў цэнтры краіны былі зьбітыя 62 ударныя бесьпілётнікі Shahed (і іншыя тыпы бесьпілётнікаў). 29 варожых бесьпілётнікаў-сымулятараў страчаныя ў месцах дзеяньня (без нэгатыўных наступстваў)», — гаворыцца ў паведамленьні.
Паводле зьвестак украінскіх вайскоўцаў, ад нападу пацярпелі Сумская, Днепрапятроўская, Палтаўская, Кіеўская і Івана-Франкоўская вобласьці.
Інфармацыі на гэты конт з расейскага боку няма.
Расейскія войскі працягваюць наносіць удары па Ўкраіне, нягледзячы на магчымыя ўкраінска-расейскія перамовы, заплянаваныя ў Стамбуле на 15 траўня.
- Расейскія вайскоўцы рэгулярна з розных відаў узбраеньня атакуюць украінскія рэгіёны. Кіраўніцтва Расеі адмаўляе, што расейскае войска падчас поўнамаштабнай вайны наносіць мэтанакіраваныя ўдары па цывільнай інфраструктуры гарадоў і вёсак Украіны, забіваючы мірнае насельніцтва і разбураючы лякарні, школы, дзіцячыя сады, аб’екты энэргетыкі і водазабесьпячэньня.
- Украінскія ўлады і міжнародныя арганізацыі кваліфікуюць гэтыя ўдары як ваенныя злачынствы Расеі і падкрэсьліваюць, што яны маюць мэтанакіраваны характар.
- У ААН змаглі пацьвердзіць, што з пачатку году ва Ўкраіне загінулі 413 цывільных асобаў, а больш за 2000 параненыя. У першыя тры месяцы 2025 году ахвяраў пабольшала на 30% у параўнаньні з аналягічным пэрыядам летась.
Форум