— Чаму вы займаецеся бізнэсам?
— Быў у мяне такі этап у жыцьці, калі захацелася мець нешта сваё. Маючы вялікі досьвед у зусім процілеглай сфэры і знаходзячыся нават на кіруючай пасадзе, зразумела, што магу рабіць нешта сама, але не на дзяржаўнай службе. І вось так яно сьпела, сьпела і ўрэшце дасьпела.
— Які галоўны ўрок для вас ад заняткаў бізнэсам?
— Ня трэба мяняцца. Калі ты добры і спакойны чалавек, праз сваю дабрыню ты, вядома, пацерпіш, але мяняць сябе, рабіцца нейкай піраньняй ці акулай — ня варта.
— Што было самым цяжкім? Якую параду вы можаце даць чалавеку, які хоча пачаць бізнэс у вашай галіне?
— Самым складаным было зьмяніць псыхалёгію чалавека, які напачатку працаваў на некага, а потым стаў сам гаспадаром сваёй справы. У маёй сфэры чалавек павінен валодаць добрым густам, адчуваньнем колеру, мець інтуіцыю на кліента і быць прагматычным.
— Якой спакусы ці памылкі трэба пазьбягаць любым коштам?
— Думаю, што трэба пазьбягаць магчымасьці зарабляць грошы любымі спосабамі, сродкамі. Трэба паважаць кліентаў, зь якімі працуеш, бо калі ты хоць раз зробіш ім дрэнна, то можаш не пабачыць іх ніколі.
— Як ставяцца да вашай бізнэс-кар’еры родныя?
— З павагай ставяцца, і для многіх маіх родных гэта стала вялікім сюрпрызам.
— Ці варта браць сваякоў у бізнэс?
— Складанае пытаньне, хочацца сказаць — так і не. Трэба адпачатку разьмеркаваць жорсткія прыярытэты, калі ты працуеш са сваяком, разьмеркаваць усё, каб потым не было крыўдаў.
— Быў у мяне такі этап у жыцьці, калі захацелася мець нешта сваё. Маючы вялікі досьвед у зусім процілеглай сфэры і знаходзячыся нават на кіруючай пасадзе, зразумела, што магу рабіць нешта сама, але не на дзяржаўнай службе. І вось так яно сьпела, сьпела і ўрэшце дасьпела.
— Які галоўны ўрок для вас ад заняткаў бізнэсам?
— Ня трэба мяняцца. Калі ты добры і спакойны чалавек, праз сваю дабрыню ты, вядома, пацерпіш, але мяняць сябе, рабіцца нейкай піраньняй ці акулай — ня варта.
— Што было самым цяжкім? Якую параду вы можаце даць чалавеку, які хоча пачаць бізнэс у вашай галіне?
— Самым складаным было зьмяніць псыхалёгію чалавека, які напачатку працаваў на некага, а потым стаў сам гаспадаром сваёй справы. У маёй сфэры чалавек павінен валодаць добрым густам, адчуваньнем колеру, мець інтуіцыю на кліента і быць прагматычным.
— Якой спакусы ці памылкі трэба пазьбягаць любым коштам?
— Думаю, што трэба пазьбягаць магчымасьці зарабляць грошы любымі спосабамі, сродкамі. Трэба паважаць кліентаў, зь якімі працуеш, бо калі ты хоць раз зробіш ім дрэнна, то можаш не пабачыць іх ніколі.
— Як ставяцца да вашай бізнэс-кар’еры родныя?
— З павагай ставяцца, і для многіх маіх родных гэта стала вялікім сюрпрызам.
— Ці варта браць сваякоў у бізнэс?
— Складанае пытаньне, хочацца сказаць — так і не. Трэба адпачатку разьмеркаваць жорсткія прыярытэты, калі ты працуеш са сваяком, разьмеркаваць усё, каб потым не было крыўдаў.
