Як паведаміла дзяржаўнае агенцтва БелТА, Аляксандар Лукашэнка 7 траўня памілаваў 42 чалавекі.
Як гаворыцца ў навіне, гэта асуджаныя за «злачынствы экстрэмісцкай накіраванасьці». «Экстрэмістамі» ўлады пасьля пратэстаў 2020 году масава прызнаюць людзей і арганізацыі, неляяльныя да ўладаў.
Сярод памілаваных 18 жанчын і 24 мужчыны. 13 чалавек маюць хранічныя захворваньні, адзін мае інваліднасьць.
У 24 асуджаных ёсьць непаўналетнія дзеці, двое — шматдзетныя. Дзесяць асоб старэйшых за 50 гадоў, адзін дасягнуў пэнсійнага ўзросту.
Імёны пакуль не раскрываюцца.
Раней Лукашэнка падпісаў прыняты Палатай прадстаўнікоў закон аб амністыі з нагоды «80-годзьдзя Перамогі». Скарачэньне тэрмінаў ці вызваленьне атрымалі звыш 7 тысяч зьняволеных, аднак на «палітычных» дакумэнт не распаўсюджваўся.
Форум