Пра гэта агенцыі «ПРАЙМ-ТАСС» сёньня заявіў дарадца ў эканамічных пытаньнях амбасады Расеі ў Беларусі Андрэй Кузьняцоў. Расейскі дыплямат таксама падкрэсьліў, што кантракт прадугледжвае штрафныя санкцыі за невыкананьне абавязкаў па аплаце газу.
Паводле дадзеных «Газпрому», запазычанасьць Беларусі за першыя чатыры месяцы сёлета склала $192 мільёны. Яна ўзьнікла з-за таго, што Беларусь плаціць газ па $150 за адну тысячу кубамэтраў пры кантрактнай цане першага квартала $169,22.
Афіцыйны прадстаўнік «Газпрому» Сяргей Купрыянаў кажа: да канца году запазычанасьць Беларусі можа дасягнуць $500-600 мільёнаў.
