Сёньня судзьдзя Мазырскага раённага суду Дзьмітры Мазай аштрафаваў грамадзкага актывіста Паўла Наздру на 105 тысяч рублёў за парушэньне правілаў вайсковага ўліку.
Падставай паслужыла тое, што радавы запасу Наздра не паведаміў у ваенкамат пра сваё новае месца працы. Ваенкамат склаў пратакол, на падставе якога судзьдзя й пакараў актывіста:
“Гэта проста пакараньне за маю актыўную грамадзкую дзейнасьць. Ваенкамат — гэта проста рэпрэсіўны орган, які, як я разумею, падпарадкоўваецца непасрэдна камітэту дзяржбясьпекі й выконвае карныя функцыі”.
Сёньняшняя адміністрацыйная справа супраць Паўла Наздры — трэцяя па ліку. Летась яго аштрафавалі за парушэньне правілаў вайсковага ўліку на 70 тысячаў рублёў. Сёлета ў ліпені Паўлу ўдалося адбіць другую спробу ваенкамату прыцягнуць яго да адказнасьці. А цяпер вось ён атрымаў 105-тысячны штраф.
Пакараньне спадар Наздра наважаны аспрэчыць у абласным судзе. Заадно актывіст спрабуе праз суд прыцягнуць да адказнасьці намесьніка мазырскага ваенкама за прыніжэньне гонару й годнасьці й спагнаць зь яго 2 мільёны рублёў кампэнсацыі маральнай шкоды.
Падставай паслужыла тое, што радавы запасу Наздра не паведаміў у ваенкамат пра сваё новае месца працы. Ваенкамат склаў пратакол, на падставе якога судзьдзя й пакараў актывіста:
“Гэта проста пакараньне за маю актыўную грамадзкую дзейнасьць. Ваенкамат — гэта проста рэпрэсіўны орган, які, як я разумею, падпарадкоўваецца непасрэдна камітэту дзяржбясьпекі й выконвае карныя функцыі”.
Сёньняшняя адміністрацыйная справа супраць Паўла Наздры — трэцяя па ліку. Летась яго аштрафавалі за парушэньне правілаў вайсковага ўліку на 70 тысячаў рублёў. Сёлета ў ліпені Паўлу ўдалося адбіць другую спробу ваенкамату прыцягнуць яго да адказнасьці. А цяпер вось ён атрымаў 105-тысячны штраф.
Пакараньне спадар Наздра наважаны аспрэчыць у абласным судзе. Заадно актывіст спрабуе праз суд прыцягнуць да адказнасьці намесьніка мазырскага ваенкама за прыніжэньне гонару й годнасьці й спагнаць зь яго 2 мільёны рублёў кампэнсацыі маральнай шкоды.
