Імпрэзы пройдуць у школах, у выключных выпадкаў – ва ўстановах культуры.
“Праводзіць выпускныя вечары ў кавярнях, рэстарацыях і барах ды іншых установах такога кшталту будзе забаронена”, - заявіў журналістам начальнік Управы ідэалягічнай і выхаваўчай працы Камітэту адукацыі Менгарвыканкаму Андрэй Стрыгельскі.
“12 чэрвеня ў Менску будзе абмежаваны продаж алькагольных і слабаалькагольных вырабаў”, - дадаў чыноўнік.
Стрыгельскі таксама зазначыў, што на выпускных будзе забароненае ўжываньне сьпіртовых напояў ня толькі для школьнікаў, але і для ўсіх прысутных.
Пачатак усіх выпускных у 20:00, перадае Інтэрфакс.
У 2009 годзе школы, ліцэі і гімназіі Менску выпусьцяць 16,6 тысяч чалавек.
