У Беларусі на заводах-гігантах цяпер адкрытыя тысячы вакансіяў. Пра недахоп працаўнікоў ня раз казаў Аляксандар Лукашэнка. Дзе, каго і на якія грошы шукаюць, піша zerkalo.io.
МАЗ. Трэба больш як 3600 працаўнікоў
Летась Менскі аўтамабільны завод шукаў амаль на тысячу менш работнікаў .
Колькі плацяць?
- Адміністратару — 730−1500 рублёў
- Кіроўцу пагрузчыку — 1370–2700
- Начальніку — 4000–6500.
- Падручнаму сталявара электрапечы — 3200–4800
- Прыбіральніку — 726–1120
- Рэзчыку на пілах, нажоўках і станках — 2000–2900
- Сталявару электрапечы — 3000–5000.
- Сьвідравальніку — 1900–2400
- Сьлесару — да 2000–2750 рублёў.
МТЗ. Трэба больш як 2600 працаўнікоў
Летась завод шукаў амаль на паўтысячы менш.
Колькі плацяць?
- Апэратару станкоў з праграмным кіраваньнем — 2750−3300
- Вартаўніку — 726−750
- Заліўніку мэталу, сталявару электрапечы — 3300–3850
- Інжынэру эксплюатацыі — 808
- Кавалю на молатах і прэсах 2750−3850
- Камплектавальніку тавараў — 726−850
- Сьлесару-інструмэнтальніку — 2300–2500
- Токару — 2200–3300
- Электразварніку ручной зваркі — 2300–2750
Менскі маторны завод. Трэба больш як 400 працаўнікоў
Колькі плацяць?
- Вядучаму інжынэру-электроніку — 2500
- Галоўнаму бухгальтару — 6700
- Інжынэру-канструктару ці электрамантэру — 1770-2000
- Машыністу прыбіральных машынаў — 900
- Перакладніку з кітайскай — 2500.
- Токару-расточніку — 2500
- Цесьляру ці сталяру — 2000
- Электразварніку — 2500
БелАЗ. Трэба амаль 900 працаўнікоў
Колькі плацяць?
- Абмотніку элемэнтаў электрычных машын — 1400
- Апэратару ЭВМ — 650
- Выбівальніку адлівак — 1600
- Зубарэзчыку — 1860
- Інжынэру наладкі і выпрабаваньняў — 2170
- Кантралёру ў ліцейнай вытворчасьці — 1280
- Майстру ўчастку — 1950
- Начальніку цэнтру кібэрбясьпекі — 4100
БМЗ. Трэба больш за 300 працаўнікоў
Колькі плацяць?
- Плавільніку — 1256–1695
- Разьліўніку — 1466-2822
- Рэзчыку трубаў і загатовак — 1466–2235
- Сьлесару мэханазборачных работ — 1264–1770
- Токару — 2125–3047
- Фрэзэроўніку — 2334–3047
- Электрагазазварніку — 1790–2380
Усяго ў красавіку ў Беларусі шукалі больш за 200 тысяч працаўнікоў. У тым жа месяцы Лукашэнка заявіў, што гатовы прыняць на працу ў Беларусі да 150 тысяч пакістанцаў і «стварыць ім неабходныя ўмовы для працы».
ГЛЯДЗІЦЕ ТАКСАМА: Інфармацыя пра 150 тысяч пакістанцаў як тэст для грамадзтва і ўлады. Аналіз Валера Карбалевіча