Сьмерць Папы наступіла з прычыны інсульту і незваротнага сардэчна-цыркулятарнага каляпсу.
Дырэктар Дырэкцыі аховы здароўя і гігіены Дзяржавы Ватыкан доктар Андрэа Арканджэлі апублікаваў афіцыйнае мэдыцынскае заключэньне аб сьмерці папы Францішка, якая была пацьверджана з дапамогай электракардыяграфічнай танатаграфіі, паведаміла Ватыканскае радыё.
Прэс-служба Сьвятога Пасаду апублікавала справаздачу ў панядзелак вечарам.
ГЛЯДЗІЦЕ ТАКСАМА: Пасьля хваробы памёр папа Рымскі Францішак. Што ён казаў у апошнім звароце Urbi et OrbiЗгодна з мэдыцынскім заключэньнем, у Папы раней была вострая дыхальная недастатковасьць, выкліканая мультыбактэрыйнай двухбаковай пнэўманіяй, множнымі бронхаэктазамі, высокім крывяным ціскам і цукроўкай ІІ тыпу.
Папа Рымскі Францішак памёр у Велікодны панядзелак, 21 красавіка 2025 году ва ўзросьце 88 гадоў у сваёй рэзыдэнцыі ў ватыканскім доме Санта-Марта.
Францішак сёлета не праводзіў велікодных службаў у Рыме, даручыў гэта кардыналам.
ГЛЯДЗІЦЕ ТАКСАМА: Папа Францішак заклікаў улады Беларусі адмовіцца ад гвалту, шанаваў ікону Маці Божай Жыровіцкай