У Беларусі зарэгістравалі першы выпадак гібелі дзіцяці, зьвязаны з выкарыстаньнем прыстасаваньня для выпарваньня курыльных вадкасьцяў (вэйпа).
Пра гэта паведаміў 17 сакавіка на прэс-канфэрэнцыі ў Менску намесьнік начальніка аддзелу арганізацыі працы інспэкцыі ў справах непаўналетніх галоўнага ўпраўленьня аховы правапарадку і прафіляктыкі МУС Васіль Дземідовіч, піша«Люстэрка».
Трагедыя адбылася ў Дзяржынску (Койданаве) 13 сакавіка.
«Зафіксаваная сьмерць 16-гадовай дзяўчынкі. За некалькі хвілін да гэтага яна ў кампаніі сяброў парыла вэйп. У выніку адчула сябе дрэнна, страціла прытомнасьць. На жаль, так і не апрытомнела», — паведаміў прадстаўнік МУС.