Яго цытуе Reuters.
Па словах Рамі Абдулрахмана, масавыя забойствы сталі самым жорсткім выбухам гвалту за 13 гадоў грамадзянскай вайны ў Сырыі. Рэгіянальныя крыніцы паведамляюць аб сутычках паміж алявітамі, курдзкай этнічнай меншасьцю, якая іх падтрымлівае, і праўрадавымі сіламі.
Прадстаўнікі новых сірыйскіх уладаў паведамляюць аб баях з прыхільнікамі зрынутага прэзыдэнта Башара Асада, якія належаць да алявіцкай меншасьці. Як паведамляе Reuters, улады прызнаюць «парушэньні» ў рэпрэсіях супраць прыхільнікаў Асада, вінавацячы неарганізаваных узброеных людзей, якія падтрымліваюць улады або імкнуцца да ўчыненьня злачынстваў падчас ваеннага хаосу.
У інтэрнэце зьяўляюцца відэазапісы расстрэлаў і катаваньняў мірных жыхароў у зоне канфлікту. Камэнтатары сьцьвярджаюць, што большасьць ахвяраў належаць да рэлігійных меншасьцяў, у тым ліку хрысьціянаў. Улады абяцаюць прыцягнуць вінаватых да адказнасьці, паведамляе Al Jazeera.
Прынамсі дзясяткі мірных жыхароў і былых чальцоў урада Башара Асада атрымалі прытулак на расейскай вайсковай базе ў Латакіі, паведамляе тэлеканал. Расейскія праваенныя Telegram-каналы паведамляюць пра тысячы ўцекачоў на вайсковай базе, але гэта не было незалежна пацьверджана. Расейскія ўлады не камэнтуюць сытуацыю.
ГЛЯДЗІЦЕ ТАКСАМА: Суд у Польшчы арыштаваў дэпутата Сэйму паводле абвінавачаньня ў карупцыі