Гэта забясьпечыць перамогу Фрыдрыха Мэрца, даўшы яму магчымасьць стаць пераемнікам канцлера Оляфа Шольца ў якасьці наступнага лідэра найбуйнейшай эканомікі Эўропы. У параўнаньні з выбарамі 2021 году хрысьціянскія дэмакраты значна ўзмацнілі сваю пазыцыю.
Блёк ХДЗ/ХСЗ Мэрца заняў першае месца з 28,5% галасоў, за ім ідуць «Альтэрнатыва для Нямеччыны» (AfD) з 20%, гэта рэкорд для ультраправай партыі, паведамляе грамадзкая тэлекампанія ZDF. Левацэнтрысцкая СДПГ Шольца набрала 16,5% галасоў, што стала найгоршым вынікам за ўсю гісторыю.
Таксама сур’ёзныя страты панесьлі «Зялёныя» (каля 13%) і Свабодная дэмакратычная партыя (FDP), якая балянсуе на мяжы праходжаньня ў парлямэнт.
Партыя «Левыя» змагла пераадолець 5-працэнтны барʼер і набраць каля 8%.
Галоўнае пытаньне — хто ўвойдзе ў кіроўную кааліцыю. На думку аналітыкаў, пакуль што магчымым варыянтам выглядае паразуменьне ХДЗ/ХСЗ з сацыял-дэмакратамі, бо кансэрватарам і «Зялёным» можа не хапіць галасоў. Пэўнасьці чакаюць у бліжэйшыя тыдні, калі пачнуцца перамовы аб фармаваньні новага ўраду.
- Летась у кастрычніку з Фрыдрыхам Мэрцам сустракалася Сьвятлана Ціханоўская. Паведамлялі, што Ціханоўская і Мэрц абмеркавалі ролю рэжыму Аляксандра Лукашэнкі ў вайне, падтрымку эўрапейскай пэрспэктывы для Беларусі, падтрымку для грамадзянскай супольнасьці. Ціханоўская заклікала адрозьніваць беларусаў і рэжым і не складаць Беларусь і Расею ў адзін кошык.
ГЛЯДЗІЦЕ ТАКСАМА: У Нямеччыне праходзяць датэрміновыя выбары ў Бундэстаг