Касьмічны апарат кампаніі Firefly Aerospace, які атрымаў назву «Сіні прывід» (Blue Ghost), працягвае круціцца вакол Зямлі. У чацьвер ён накіраваўся на траекторыю, якая дазволіць дасягнуць Месяца больш як празь месяц. Blue Ghost адправіў фатаздымкі і відэа Зямлі. Кампанія з Тэхасу апублікавала гэтыя выявы ў пятніцу.
Месячны модуль праводзіць экспэрымэнты для NASA ў рамках праграмы, якая мае на мэце вяртаньне астранаўтаў на Месяц у гэтай дэкадзе. Blue Ghost — адзін з двух апаратаў, запушчаных SpaceX з Флорыды 15 студзеня. Ён плянуе прызямліцца на Месяц 2 сакавіка. Другі пасадачны апарат фінансуецца японскай кампаніяй Ispace і мае яшчэ больш працяглы маршрут з прызямленьнем у канцы траўня ці пачатку чэрвеня.
Для Firefly гэта першы палёт на Месяц, а для Ispace — другі. Першы модуль кампаніі ispace разьбіўся пры пасадцы ў 2023 годзе. Апошні модуль кампаніі, які мае назву Resilience, працягвае кружыцца вакол Зямлі і выконваць усе неабходныя манэўры для збліжэньня зь Месяцам.
ГЛЯДЗІЦЕ ТАКСАМА: Першы японскі месяцовы модуль SLIM зрабіў пасадку на Месяц