Дата дня
14 лютага 1937 году нарадзіўся Міхась Стральцоў, беларускі пісьменьнік, крытык, перакладчык.
Міхась Стральцоў
Таксама ў гэты дзень
286 — згодна зь легендай, у гэты дзень пакараны за парушэньне загаду імпэратара Клаўдзія аб бясшлюбнасьці для вайскоўцаў палявы лекар і сьвятар Валянцін. Валянцін таемна вянчаў ахвочых і за гэта быў асуджаны на сьмерць.
1477 — першае вядомае віншаваньне ў сьвеце, дзе згадваецца Валянцін.
1834 — у францускім Ліёне пачаўся страйк ткачоў, падчас якога ўпершыню быў узьняты чырвоны сьцяг, як сымбаль рэвалюцыйнай барацьбы працоўных.
1876 — Аляксандар Грэм Бэл запатэнтаваў тэлефон.
1924 — у Вільні пачала выдавацца газэта «Голас беларуса».
1924 — заснаваная кампанія IBM.
Офіс IBM у Чыкага
1928 — у Савецкім Саюзе пачынаюць ужываць грыгарыянскі каляндар.
1946 — у лябараторыі балістычных дасьледаваньняў Арміі ЗША запушчаны першы электронны кампутар ENIAC, пачатак кампутарнай эры ў гісторыі чалавецтва.
1948 — утварылася Згуртаваньне беларусаў у Аўстрыі.
1956 — пачаўся XX зьезд КПСС, дзе прагучаў даклад Мікіты Хрушчова з асуджэньнем культу асобы Сталіна.
ХХ зьезд КПСС
1989 — іранскі рэлігійны правадыр аятала Хамэйні абвясьціў фэтву на брытанскага пісьменьніка Салмана Рушдзі за абразу ісламу ў кнізе «Сатанінскія вершы».
ГЛЯДЗІЦЕ ТАКСАМА: Салман Рушдзі выпускае новы раман праз паўгода пасьля атакі на яго з нажомСалман Рушдзі
2005 — створаны сэрвіс YouTube.
У гэты дзень нарадзіліся
1891 — Павал Корчык, беларускі нацыянальны дзеяч, удзельнік Слуцкага збройнага чыну.
1906 — Мікалай Улашчык, беларускі гісторык і археограф.
Мікалай Улашчык. “Даць народу гісторыю”. Зборнік дакумэнтаў. Укладальнік Міхась Скобла
1907 — Алесь Звонак, беларускі паэт.
Алесь Звонак
1914 — Павал Масьленікаў, беларускі жывапісец, тэатральны мастак, пэдагог.
У памяці
1984 — Язэп Найдзюк, беларускі нацыянальны дзеяч, выдавец.
1989 — Вінцэнт Жук-Грышкевіч, беларускі нацыянальны дзеяч, у 1971–1982 гадах старшыня Рады БНР.
2014 — Гаўрыла Вашчанка, народны мастак Беларусі.
Гаўрыла Вашчанка