Заснавальнік і дырэктар рэгіянальнага парталу Пятро Кузьняцоў паведаміў БАЖ, што тэхнічныя праблемы, якія ўзьніклі 15 ліпеня, нарэшце ўдалося вырашыць.
Памылкі ў праграмным кодзе давялося выпраўляць уручную.
«Там пакуль, вядома, амаль няма актуальных навін — увесь час прастою доступу да адмінкі не было і ў рэдакцыі», — паведаміў Кузьняцоў.
ГЛЯДЗІЦЕ ТАКСАМА: Гомельскія ўлады хочуць ліквідаваць установу, якой належыць сайт «Сильные новости»Хроніка перасьледу «Сильных новостей»
Увосень 2020 году міліцыя затрымлівала і кідала на «суткі» як удзельнікаў несанкцыянаваных мерапрыемстваў журналістаў сайту «Сильные новости» Дзяніса Якштаса, Марыну Драбышэўскую, Надзею Пужынскую. Галоўная рэдактарка Ганна Якштас правяла выходныя ў ІЧУ і атрымала буйны штраф.
6 кастрычніка 2020 году прайшлі ператрусы ў супрацоўнікаў сайту і ў офісе рэдакцыі. Міліцыянты забралі тэхніку. Пазьней рэдакцыя аднавіла працу.
9 ліпеня супрацоўнікі міліцыі прыйшлі зь ператрусамі да дзесяці супрацоўнікаў «Сильных новостей», у тым ліку да заснавальніка Пятра Кузьняцова, галоўнай рэдактаркі Ганны Якштас і журналістаў.
13 ліпеня адбыўся ператрус і допыт бухгальтаркі Ганны Стрэльчанкі. Ва ўсіх супрацоўнікаў міліцыя забрала тэлефоны і тэхніку.
15 ліпеня зь невядомай прычыны перастаў адкрывацца сайт «Сильные новости». Неўзабаве Гомельскі гарвыканкам даслаў пастанову аб ліквідацыі юрыдычнай асобы, якой належаць праекты Пятра Кузьняцова.
ГЛЯДЗІЦЕ ТАКСАМА: Рэдакцыя барысаўскага сайту Ex-press.by у поўным складзе пакінула Беларусь ГЛЯДЗІЦЕ ТАКСАМА: Заява БАЖ: неадкладна спыніць зьнішчэньне незалежных мэдыяў