Згодна з заявай праваабаронцаў, пазбаўленыя волі і абвінавачаныя па ч. 1 арт. 342 Крымінальнага кодэксу (групавыя дзеяньні, якія груба парушаюць грамадзкі парадак) Міхаіл Фірага, Вячаслаў Папоў, Віталь Шыцікаў, а таксама па ч.2 арт. 293 КК (масавыя беспарадкі) Валянцін Колб, Вадзім Чапялевіч, Ігар Гарчанюк прызнаныя палітычнымі зьняволенымі.
ГЛЯДЗІЦЕ ТАКСАМА: Газэта «Новы час» падпісала на сябе 374 палітычных вязьняў«Мы расцэньваем выракі супраць названых асобаў як палітычна матываваны перасьлед у сувязі з рэалізацыяй імі свабоды мірных сходаў і выказваньня свайго меркаваньня адносна абвешчаных вынікаў прэзыдэнцкіх выбараў», — гаворыцца ў супольным звароце.
У сувязі з гэтым праваабаронцы патрабуюць ад уладаў Беларусі неадкладна вызваліць з-пад варты ўсіх палітвязьняў і спыніць іх крымінальны перасьлед.
Паводле «Вясны», цяпер у Беларусь 369 палітычных зьняволеных — такой колькасьці не было за ўсю гісторыю незалежнай дзяржавы.