У суботу раённыя суды Менску і іншых гарадоў працягваюць пасяджэньні па адміністрацыйных справах у дачыненьні дэманстрантаў. Назіральнікам кажуць, што суды не працуюць, таму фактычна пасяджэньні адбываюцца ў закрытым рэжыме, паведамляе Праваабарончы цэнтар «Вясна».
Адзін з назіральнікаў паведаміў Свабодзе:
«У Дом правасудзьдзя ўМенску нас не пускалі і ў Маскоўскі раённы суд з боем прарваліся. У Першамайскім, Цэнтральным і Фрунзэнскі суды без праблем пускалі. У Савецкім раённым судзе ахоўнік зьдзівіўся што нехта прыйшоў і сказаў, што сёньня выходны».
Загад «Аб разглядзе справаў», які 24 сьнежня падпісаў і накіраваў у раённыя суды старшыня Менскага гарадзкога суду Павал Каршуновіч, сьведчыць, што суды ў суботу, 26 сьнежня, адбываюцца.
У прыватнасьці, апоўдні ў Першамайскім раённым судзе Менска траіх чалавек аштрафавалі па артыкуле 23.34 КаАП за «парушэньне парадку арганізацыі і правядзеньня масавых мерапрыемстваў».
Судзіць будуць таксама ў суботы 2 і 9 студзеня.
ГЛЯДЗІЦЕ ТАКСАМА: Палітвязьню Ігару Лосіку працягнулі тэрмін утрыманьня пад вартай да 25 сакавіка ГЛЯДЗІЦЕ ТАКСАМА: Паўла Севярынца пакінулі за кратамі яшчэ на два месяцы ГЛЯДЗІЦЕ ТАКСАМА: Студэнта-«рэкардсмэна» асудзілі восьмы раз. Яму ўжо набегла 114 сутак арышту