Ужо сёньня, 10 ліпеня: 21-я гадавіна абраньня першага прэзыдэнта Беларусі

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

Менск, на базе спэцыяльнага падразьдзяленьня па барацьбе з тэрарызмам «Алмаз» МУС праходзяць спаборніцтвы сярод байцоў спэцпадразьдзяленьняў Беларусі і Расеі.

Віцебск, працяг фэстывалю «Славянскі базар»

Уфа (Расея): у межах самітаў ШАС і БРІКС прэзыдэнт Расеі Ўладзімер Пуцін сустрэнецца з кіраўнікамі Ірану, Казахстану і Бразыліі — Хасанам Роўхані, Нурсултанам Назарбаевым і Дзільмай Русэф.

У гісторыі:

1917 — Першае беларускае таварыства драмы і камэдыі дало прэм’ерную пастаноўку п’есы Янкі Купалы «Раскіданае гняздо».

1919 — у Горадні польскія ўлады забаранілі газэту «Родны край», а рэдактара Тамаша Грыба арыштавалі

1922 — абвешчана аўтаномія Беларускай праваслаўнай царквы на чале зь мітрапалітам Мэлхісэдэкам.

1941 — пачалася Смаленская абарончая апэрацыя. Упершыню ў Другой Сусьветнай вайне нямецкія войскі перайшлі ад наступу да абароны.

1972 — у вёсцы Вязынка Маладзечанскага раёну адкрыўся Купалаўскі мэмарыяльны запаведнік.

1991 — адбылася інаўгурацыя першага прэзыдэнта Расеі Барыса Ельцына

1992 — Беларусь стала чальцом Міжнароднага валютнага фонду

1994 — першым прэзыдэнтам Рэспублікі Беларусь у другім туры абраны Аляксандар Лукашэнка.

2000 — у Менску, на мэмарыяле «Яма», адбылася ўрачыстая цырымонія адкрыцьця помніка-мэмарыяла ахвярам Галакосту.

У гэты дзень нарадзіліся:

1509 — Жан Кальвін, францускі рэлігійны рэфарматар.

1781 — Антон Марціноўскі, беларускі выдавец і публіцыст

1871 — Марсэль Пруст, францускі пісьменьнік. У гісторыі францускай літаратуры Пруст вядомы як пачынальнік псыхалягічнага раману.

1857 — Анатоль Бонч-Асмалоўскі, рэвалюцыянэр-народнік

1895 — Павал Сухі, савецкі авіяканструктар, нарадзіўся ў Глыбокім Віцебскай вобласьці. Сухі — аўтар больш як 50 самалётаў, 30 зь якіх былі пабудаваныя і выпрабаваныя.

1900 — Пётра Сергіевіч, беларускі жывапісец і графік, мастак-манумэнталіст.

1914 — Яфрэм Карпачоў, беларускі гісторык

1937 — Леанід Дземідовіч, беларускі навуковец-гэоляг

1942 — Пятро Клімук, беларускі савецкі касманаўт

1977 — Віктар Ганчарэнка, футбаліст, галоўны трэнэр футбольнага клюбу БАТЭ

Цытата:

Ня бойцеся зайсьці занадта далёка, таму што ісьціна заўсёды яшчэ далей.

Марсэль Пруст