Вучылася ў музычнай школе, сьпявала і пісала вершы зь дзяцінства спачатку па-расейску, потым, пад уплывам асобаў і падзеяў, — на беларускай мове. Да такіх падзеяў можна аднесьці фэстываль «Зялёны крыж», на якім яна яшчэ падлеткам тройчы брала ўдзел у паэтычных і бардаўскіх сэкцыях.
Падчас навучаньня ў Ліцэі БДУ зьявіліся першыя сталыя беларускамоўныя бардаўскія творы.
У 2006 г. прайшла ў фінал беларускага адбору на «Петербургский аккорд», у 2007-м — стала пераможцай «Бардаўскай восені».
У 2008-м брала ўдзел у конкурсе «Залатая акустыка».
