Зьміцер Вайцюшкевіч нарадзіўся 21 ліпеня 1971 г. у мястэчку Бярозаўка, недалёка ад Ліды.
Адукацыя:
1978-1986 — школа з паглыбленым вывучэньнем ангельскай мовы;
1986-1990 — Музычная вучэльня, клярнэт (Ліда);
1990-1995 — Беларускі дзяржаўны ўнівэрсытэт культуры, клярнэт (Менск);
1993-1995 — Музычная вучэльня імя Глінкі, вакал (Менск).
Праекты:
1992-1998 — удзельнік гурта «Палац», што выконвае беларускі аўтэнтычны фальклёр, як у арыгінальным гучаньні, так і ў разнастайных стылёвых апрацоўках. У 1993 годзе «Палац» патрапіў у дзесятку лепшых калектываў Усходняй Эўропы па выніках фэстывалю RFI (Radio France Internationale). Ляўрэаты шматлікіх фэстаў і конкурсаў СНД і заходнеэўрапейскіх краінах;
1997-2001 — удзельнік гурта KRIWI, што спэцыялізуецца на выкананьні традыцыйнай музыкі (world music). Заўсёднікі міжнародных этна-фэстываляў і лідэр эўрапейскіх этна-чартаў. Былі прызнаны «гуртом году» на «Рок-каранацыі-99». Адзначаліся ў намінацыях «Традыцыі і сучаснасьць» і «Лепшы відэакліп». Гурт быў названы лепшым на конкурсе «Musika Vitale» у Бэрліне;
З 2001 Зьміцер Вайцюшкевіч — лідэр і мастацкі кіраўнік WZ-Orkiestra (Усход-Захад Аркестар). Гурт выконвае музыку ў стылі world music, рэтра, гарадзкі шансон, рок, аўтарская песьня.
З архіву «Свабоды»
Your browser doesn’t support HTML5
«Месяц — жоўтая лодка». На верш Генадзя Бураўкіна
Your browser doesn’t support HTML5
«Песенька задаволенага пеўня». На верш Леаніда Дранько-Майсюка
Your browser doesn’t support HTML5
«Ружа». На верш Анатоля Сыса
Your browser doesn’t support HTML5
«Мірныя людзі». На верш Андрэя Хадановіча
Your browser doesn’t support HTML5
«Сьцяг». На верш Уладзімера Някляева
Your browser doesn’t support HTML5
Зьміцер Бартосік гутарыць са Зьмітром Вайцюшкевічам
