Актывісты інтэрнэт-супольнасьці «Рэвалюцыя праз сацыяльную сетку» працягваюць кампанію «Нам ёсьць што сказаць». На гэтым тыдні яны, вывесіўшы некалькі пратэстных банэраў у Цэнтральным раёне Мeнскu, заклікалі Аляксандра Лукашэнку пакінуць пасаду прэзыдэнта.
«З кожным днём у нашу каманду ўліваюцца новыя людзі, — паведамляе прэсавы сакратар РПСС Уладзімер Кумец, — якія хочуць змагацца, працаваць зь людзьмі. Гэта вельмі пазытыўны працэс, бо чым нас больш, тым хутчэй будуць перамены».