Нацыянальны банк атрымаў права ўстанаўліваць для юрыдычных асобаў і індывідуальных прадпрымальнікаў-рэзыдэнтаў Беларусі памер абавязковага продажу валюты на ўнутраным валютным рынку.
Паводле прэсавай службы прэзыдэнта, гэта зроблена “у мэтах забесьпячэньня гарантаванага аб'ёму прапановы замежнай валюты і захаваньня золатавалютных рэзэрваў краіны”.
У Нацбанку заявілі, што не плянуюць павялічваць нарматыў абавязковага продажу валютнай выручкі, паведамляе Інтэрфакс.
Цяпер юрыдычныя асобы і індывідуальныя прадпрымальнікі абавязаны прадаваць на біржы 30% валютнай выручкі.