ДОЖДЖ СКОНЧЫЦЦА…
…і сонца будзе яшчэ больш, чым учора. Тэмпэратура: +6 — +9.
НЕ ПРАХОДЗЬЦЕ МІМА:
Візыт прэзыдэнта Казахстану Нурсултана Назарбаева ў Беларусь.
Міжнародны саміт СНД па інфармацыйна-камунікацыйных тэхналёгіях. Нацыянальная бібліятэка, Менск.
ТАМ, ДЗЕ НАС НЯМА:
Да канца тыдня працягваецца Хадж — паломніцтва мусульманаў у Меку, чакаецца 2,5 мільёнаў чалавек, з-за пагрозы грыпу мабілізавана 20 тысячаў лекараў
На востраве Трынідад брытанская каралева Элізабэта ІІ сустракаецца з кіраўнікамі ўрадаў Брытанскай супольнасьці (52 краіны).
ТАКСАМА ў ГЭТЫ ДЗЕНЬ:
У 1855 памёр паэт Адам Міцкевіч (нар. у Наваградку).
У 1930 нарадзіўся пісьменьнік Уладзімір Караткевіч.
ЁСЬЦЬ НАГОДА:
Сусьветны дзень інфармацыі.
Дзень незалежнасьці Манголіі
Дзень дзякаваньня (Thanksgiving Day) ў ЗША. Амэрыканцы пры сямейным стале дзякуюць Богу і лёсу за дабрабыт іхнай краіны і зьядаюць індыка, на памятку ежы, якую спажывалі эўрапейскія каляністы падчас першага падобнага сьвяткаваньня на амэрыканскім кантынэнце ў 1621. Дзень дзякаваньня стаў нацыянальным сьвятам ЗША ў 1789, пасьля адпаведнага ўказу першага амэрыканскага прэзыдэнта Джорджа Вашынгтона.
МІНУС 365
Год таму на сайце Свабоды: “Судзьдзя Цішкін ня каецца”
ЦЫТАТА НА ПАМЯЦЬ:
“Загінеш — і ведаць не будзе
На ўзмежку тваім лебяда…
Але вечна тваім застанецца
Толькі тое, што ты аддаў.”
Уладзімір Караткевіч
На ўзмежку тваім лебяда…
Але вечна тваім застанецца
Толькі тое, што ты аддаў.”
Уладзімір Караткевіч